“Təzə çıxan müğənni bir yerini açsa, onu yıxıb sürüyürlər, amma bəziləri…” - VİDEO

Azxeber.com-a müsahibə verən müğənni Qumral Musayeva bayağı adlandırılan həmkarlarını müdafiə edib.

Sənətçi sənətkarların gənclərə dəstək olmamasından gileylənib:

“Türkan, Şəbnəm, Nəfəs və başqaları bayağı deyil, oxuduqları janr meyxana janrıdır. Qoy onlar heç də pis olmasınlar, əksinə onlardan danışa-danışa onları reklam edirlər. Nəyi pisdir ki? Niyə kiminsə geyimi verilişlərdə müzakirə olunmalıdır ki? Mən o zaman bu geyimə olunan tənqidlərlə razı olardım ki, hamı qaydalara əməl etsə idi. Biri lütləşib çıxanda ona açıq geyinmək olar, amma təzə çıxan bir müğənni bir az bir yerini açsa, onu yıxıb sürüyürlər. Başqalarında görəndə ölürlər onun üçün, çəkirlər, paylaşırlar, yıxılırlar, bəs niyə bizə olmaz? Sənətkarlar təzə çıxanları əzməyə çalışırlar. Biri deyir səsi yoxdur, biri deyir oxuya bilmir. Vallah dəstək olmaq lazımdır. Hər aşiqin bir dövranı var. Bunu qəbullanmaq lazımdır. Bu gün mən gündəmdəyəm, sabah olmaya bilərəm. İndi elə müğənni var ki, deyirsiz canlı oxuya bilmir, olsun, amma onu sevirlər. Kütlə onu qəbul edib. Sən nəyin davasını edirsən?”