Tərtərdə cüdo zalının açılışı baş tutub

Tərtər Olimpiya İdman Kompleksinin nəzdində cüdo zalı fəaliyyətə başlayıb. Açılış mərasimində Azərbaycan Respublikasının gənclər və idman naziri Fərid Qayıbov, Tərtər Rayon İcra Hakimiyyəti başçısı Müstəqim Məmmədov, Azərbaycan Cüdo Federasiyasının (ACF) icraçı vitse-prezidenti Rəşad Rəsullu, ACF prezidentinin müşaviri Natiq Bağırov və digər rəsmilər iştirak ediblər.

Cüdo zalı ACF tərəfindən müasir standartlara cavab verən tatamilərlə və digər zəruri avadanlıqlarla təchiz edilib. Tataminin ümumi ölçüsü 112 kv.m sahəni əhatə edir. Zalda 100-dən çox idmançı cüdo ilə məşğul olacaq.