https://innews.az/uploads/news/2025-07/_innews_d9a7d1b24edd2e5fecdf405a0_o.jpg
innews.media xəbər verir ki, Azərbaycan Mərkəzi Bankının Maliyyə məlumatlılığı və peşəkar inkişaf şöbəsinin rəisi İlahə Baxışova Tahirli “Maliyyə savadlılığı davamlı və dayanıqlı biznes üçün” adlı tədbirdə iştirak edib.
Tədbirdə çıxış edən İlahə Baxışova “Doğru maliyyə qərarları üçün maliyyə savadlılığı” mövzusunda təqdimatla çıxış edərək aşağıdakı əsas məqamlara diqqət çəkib:
- düzgün maliyyə qərarlarının verilməsi üçün vacib anlayışlar,
- şəxsi və biznes büdcəsinin planlanması,
- borclanma və xərclərin effektiv idarə olunması.
O, həmçinin Mərkəzi Bankın maliyyə savadlılığının artırılması istiqamətində edu.e-cbar.az, bizimpullar.az və infobank.az kimi elektron platformaların əhəmiyyətindən söz açıb.
Tədbir “A-Solutions Elektron Pul Təşkilatı” MMC-nin təşkilatçılığı ilə baş tutub. Görüşdə qadın sahibkarlar üçün maliyyə savadlılığının gündəlik həyat və biznes sahəsindəki rolu geniş müzakirə edilib.
