https://innews.az/uploads/news/2025-11/_innews_7ebf4f8ef90ec894775c6f49f_o.jpg
Bu gün Azərbaycan Taekvondo Federasiyasının təşkilatçılığı ilə Yunanıstanın Afina şəhərində taekvondo üzrə kiçik yeniyetmələr arasında keçirilmiş Avropa birinciliyində yüksək nəticə əldə etmiş milli komandanın üzvləri ilə görüş keçirilib.
Tədbirdə federasiyanın vitse-prezidenti Niyaməddin Paşayev, baş katib Aygül Abdullayeva və milli komandanın məşqçiləri iştirak ediblər.
Görüş zamanı Niyaməddin Paşayev Azərbaycan taekvondosunun bu yarışdakı nəticəsinin böyük uğur olduğunu qeyd edib və idmançılara gələcək karyeralarında uğurlar arzulayıb.
Qeyd edək ki, Azərbaycan taekvondoçuları Avropa birinciliyini 5 qızıl, 5 gümüş və 5 bürünc medalla başa vurub.
