https://innews.az/uploads/news/2023-06/_innews_0c2405da407066e766c3dc039_o.jpg
Vətən müharibəsi şəhidi Mustafayev Elvin Fəxrəddin oğlunun ikinci ildönümü məzarı başında qeyd edilib və ailəsi ziyarət olunub
Torpaqlarımızın bütövlüyü uğrunda gedən döyüşlərdə qəhrəmancasına şəhid olan Göygöl rayon şəhidi Mustafayev Elvin Fəxrəddin oğlunun ikinci ildönümü Gəncə Şəhər Şəhidlər Xiyabanındakı məzarı başında qeyd edilib. Ziyarətçilər şəhidin məzarını ziyarət edib, ruhuna dualar oxuyub və əziz xatirəsini ehtiramla anıblar. Daha sonra şəhidin ailəsi evində ziyarət edilib. Mərasimdə Göygöl Rayon İcra Hakimiyyətinin başçısı Elvin Paşayev, YAP Göygöl rayon təşkilatının sədri Vüqar İsayev, hüquq-mühafizə orqanlarının rəhbərləri, Vətən Müharibəsi qaziləri, şəhidin ailə üzvləri və ictimaiyyət nümayəndələri iştirak ediblər.
Xatırladırıq ki, şəhid Mustafayev Elvin Fəxrəddin oğlu 14 mart 1992-ci ildə Gəncə şəhərində anadan olmuşdur. 1999-cu ildə Daşkəsən rayon 4 nömrəli tam orta məktəbin 1-ci sinfinə qəbul edilmişdir. Sonra təhsilini Gəncə şəhər 28 nömrəli tam orta məktəbində davam etdirmişdir. Daha sonra ailəsi ilə Göygöl şəhər Hacıməlik qəsəbəsinə köçmüş və orta təhsilini 8 mart qəsəbə məktəbində 9-cu sinifdə bitirmişdir. Elvin Mustafayev 2013-cü ildə Astara Pedaqoji Kollecinə daxil olmuşdur. Həmin kolleci 2016-cı ildə bitirmişdir.
2010-cu ilin aprel ayından 2011-ci ilin oktyabr ayınadək “N” saylı hərbi hissədə həqiqi hərbi xidmət keçmişdir. 2020-ci ildə “N” saylı hərbi hissədə müddətdən artıq xidmət edən hərbi qulluqçu kimi xidmətə başlamışdır.
27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. Mustafayev Elvin 27 sentyabr 2020-ci il tarixdə Kəlbəcər rayonu istiqamətində gedən döyüşlərdə şəhid olmuşdur. Şəhidin uzun müddətdən sonra Murovdağda tapılan nəşi 2021-ci il iyunun 4-də Gəncə Şəhər Şəhidlər Xiyabanında dəfn edilib. Ölkə Prezidentinin Sərəncamı ilə ölümündən sonra “Vətən uğrunda”, “Kəlbəcərin azad olunmasına görə” və “Cəsur döyüşçü” medalları ilə təltif edildilib.
Ölkə Prezidentinin Sərəncamı ilə ölümündən sonra “Vətən uğrunda”, “Cəsur döyüşçü” və “Kəlbəcərin azad olunmasına görə” medalı ilə təltif edilib. Ailəli olub, 3 övladı var.
Ən son xəbərləri səhifəmizdən də izləyin
