https://innews.az/uploads/news/2023-06/_innews_40c02947916e174b9ed79383e_o.jpg
Bütün Amerika qitəsi üzrə fəaliyyət göstərən Kolumbiyanın aparıcı xəbər telekanalı “NTN24”-də 44 günlük Vətən müharibəsi sonrasında regionda yaranmış yeni reallıqlar barədə süjet yayımlanıb.
Süjetdə Azərbaycan ordusunun 2020-ci ildə 44 günlük Vətən müharibəsi nəticəsində 30 ilə yaxın davam edən erməni işğalına son qoyaraq, dövlətimizin ərazi bötüvlüyünü bərpa etdiyi qeyd olunur. Həmin ilin noyabr ayında Rusiyanın vasitəçiliyi ilə atəşkəs haqqında birgə Bəyannamənin imzalanmasına baxmayaraq, Ermənistan silahlı qüvvələrinin Azərbaycanla sərhəddə təxribatlar törətdiyi bildirilir və beynəlxalq vasitəçilərin iştirakı ilə aparılan sülh danışıqları barədə məlumat verilir.
Eyni zamanda, süjetdə Azərbaycan Respublikasının Prezidenti İlham Əliyevin Laçın şəhərinə qayıdan əhali ilə görüşündən sitatlara yer verilir və Azərbaycanın güclü tərəf olduğu, danışıqlar masasında və sərhəddə güclü mövqelərə sahib olduğu, o cümlədən Ermənistanın ölkəmizin ərazi bütövlüyünü tanıdıqdan sonra sülh müqaviləsinin imzalanması üçün ciddi maneə qalmadığı vurğulanır.
