https://innews.az/uploads/news/2023-07/_innews_0161ff61bb39e4fc723114e86_o.jpg
“Azərbaycanın 2030-cu ilə qədər Vərəmə son verməklə bağlı əsaslı beynəlxalq öhdəlikləri genişləndirmək təşəbbüsü: gündəlikdə BMT-nin bu il üzrə Yüksək Səviyyəli Görüşünün Güclü Siyasi Bəyannaməsi” adlı konfrans keçirilib.
innews.media xəbər verir ki, konfransda “Stop TB Partnership” təşkilatının icraçı direktoru Lucica Ditiu, Milli Məclisin Səhiyyə komitəsinin sədr müavini Dr.Rəşad Mahmudov, Səhiyyə komitəsinin üzvü Soltan Məmmədov, Səhiyyə komitəsinin üzvləri Dr.Sədaqət Vəliyeva, TƏBİB-in Strateji inkişaf departamentinin rəhbəri Dr.Yaqut Qarayeva, Vərəm Əleyhinə Avropa Koalisiyasının İcraçı direktoru Yuliia Kalancha açılış nitqi ilə çıxış edib. Konfransda vərəmə yoluxmuş və sağ qalmış şəxs Kənan Bayramov uğur hekayəsini danışıb. “Sağlamlığa Xidmət” İctimai Birliyinin icraçı direktoru Pərvanə Vəliyeva Qlobal Vərəm Cəmiyyətinin əsas istəkləri və prioritetləri haqqında məruzə edib. Stop Vərəm Tərəfdaşlığının nümayəndəsi Ceyms Malar “Deadly Divide 2.0” vərəmlə bağlı öhdəliklər və reallıqlar haqqında çıxış edib. Elmi-Tədqiqat Ağciyər Xəstəlikləri İnstitutunun direktoru Dr.İradə Axundova BMT-nin 2023-cü il Vərəm üzrə Yüksək Səviyyəli Görüşü kontekstində Azərbaycanın 2030-cu ilə qədər Vərəmə son verməklə bağlı hədəflərindən danışıb.
Ədliyyə Nazirliyi, İxtisaslaşmış Müalicə Müəssisəsinin baş həkimi Dr.Müsəllim Əmiraslanov Azərbaycan penitensiar sistemində vərəmə son qoyulması, nailiyyətlər və 2030-cu ilə qədər hədəflər haqqında çıxış edib. Sağlamlığa Xidmət İB sədr müavini Samirə Məmmədova Vətəndaş Cəmiyyəti Təşkilatlarının vərəmə qarşı mübarizədə mənalı iştirakı barədə danışıb. Azərbaycan Vərəm əleyhinə QHT Koalisiyasının rəhbəri Elçin Muxtarlı və “Sağlamlığa Xidmət” İctimai Birliyinin icraçı direktoru Pərvanə Vəliyeva vərəmlə bağlı BMT-nin 2023-cü il Yüksək Səviyyəli İclası ilə bağlı vətəndaş cəmiyyətinin və icmaların əsas tələbləri haqqında məruzə edib.
Sonda Milli Məclisin deputatları Kamilə Əliyeva, İlham Məmmədov, Müşfiq Məmmədli 2030-cu ilə qədər vərəmə son qoyulması üçün necə bir mühit və qanuni zəmin yaradılması barədə danışıblar.
Tədbirin məqsədi isə BMT-in Baş Assambleyasının Vərəmlə bağlı Yüksək Səviyyəli İclasında qəbul ediləcək Vərəmlə bağlı siyasi bəyannamənin hazırlanması prosesini daha diqqətlə izləmək, məsləhətləşmələrdə fəal iştirak etmək və vətəndaş cəmiyyəti təşkilatlarının və icmaların maraqlarını müdafiə edən bəyannamənin qəbul edilməsinə dəstək olmaqdır.
Qeyd edək ki, Qlobal Fond İctimai Vəkillərininn Şəbəkəsi və Azərbaycan Vərəm Əleyhinə QHT Koalisiyasının birgə təşkilatçılığı və "Stop TB Partnership" təşkilatının dəstəyi ilə keçirilən tədbirin sonunda "Bakı Bəyannaməsi" imzalanıb.
Ən son xəbərləri səhifəmizdən də izləyin
