https://innews.az/uploads/news/2023-07/_innews_a5715cbd803aad46f1afa2b87_o.jpg
Tibbi Ərazi Bölmələrini İdarəetmə Birliyinin (TƏBİB) İcraçı direktorunun müavini Araz Nəsirov və İxtisaslı tibbi yardım departamentinin rəhbəri Teymur Mirzəbəyli Macarıstanın Budapeşt şəhərində keçirilən “Ətraf Mühit və Sağlamlıq üzrə Nazirlərin 7-ci konfransı”nda iştirak edirlər. Konfransda Səhiyyə Nazirliyi, Ekologiya və Təbii Sərvətlər Nazirliyinin, Ümumdünya Səhiyyə Təşkilatının Azərbaycan Nümayəndəliyinin əməkdaşları da iştirak edirlər. İyulun 5-də öz işinə başlayan konfrans 7 iyuladək davam edəcək.
Qeyd edək ki, ilk dəfə 1989-cı ildə keçirilən Avropa Ətraf Mühit və Sağlamlıq Prosesi (EHP) Ümumdünya Səhiyyə Təşkilatının Avropa Regionu üçün gələcək ətraf mühit və sağlamlıq prioritetlərini və öhdəliklərini müəyyən etmək məqsədi daşıyır. Konfransda COVID-19 pandemiyasının təsiri və Dayanıqlı İnkişaf üzrə 2030 Gündəliyinə nail olmaq yolunda sağlam bərpa imkanları müzakirə olunub.
Həmçinin konfransda səhiyyə sistemlərinin və səhiyyə müəssisələrinin iqlimə davamlı və ekoloji dayanıqlığına diqqət yetirən Səhiyyə Sektoru İqlim Fəaliyyəti üzrə Tərəfdaşlığın işə salınması ilə bağlı fəaliyyətin dəstəklənməsi də nəzərdə tutulub.
Tədbirin iqlim dəyişikliyi, ətraf mühitin çirklənməsi, torpaqların deqradasiyası və biomüxtəlifliyin itirilməsinin sağlamlıq ölçülərinin həlli, sağlam və ədalətli keçidi təşviq etməklə pandemiyadan xilas olmaq əsasında hazırlanan nazirlər bəyannaməsinin qəbulu ilə yekunlaşdırılması planlaşdırılıb.
Ən son xəbərləri səhifəmizdən də izləyin
