https://innews.az/uploads/news/2023-07/_innews_ca1828b5c8142ae79d2fd5e0b_o.jpg
Türkiyə Respublikası Milli Müdafiə Universitetinin növbəti buraxılışına həsr olunan mərasim keçirilib. Türkiyə Respublikası Silahlı Qüvvələri üçün ali hərbi təhsilli komandir və qəragah zabitlərinin, onların ixtisasının artırılmasını, hərbi iş sahəsində elmi tədqiqatların aparılmasını və yüksəkixtisaslı peşəkar kadrların hazırlanmasını təmin edən hərbi təhsil müəssisəsindən 19 ölkəni təmsil edən 91 hərbi qulluqçu da daxil olmaqla ümumilikdə 249 hərbi qulluqçu məzun adını qazanıb.
Azərbaycan və Türkiyə arasında hərbi təhsil sahəsində bağlanmış müqaviləyə əsasən, təhsil proqramı üzrə “Qərargahın idarə edilməsi” və “Qərargah zabitinin hazırlığı” kurslarını müvəffəqiyyətlə bitirən Azərbaycan Silahlı Qüvvələrinin 42 hərbi qulluqçusuna diplomlar təqdim edilmişdir. Tədbirdə iştirak edən Azərbaycan Respublikası Silahlı Qüvvələrinin Türkiyə Respublikasındakı Hərbi attaşesi polkovnik Müşfiq Məmmədov azərbaycanlı zabitlərlə görüşərək onları Türkiyə Respublikasının nüfuzlu hərbi təhsil müəssisəndən məzun olmaları münasibətilə təbrik edib. Hərbi attaşe onların ölkə xaricində aldığı biliklərlə yüksək ixtidaslı kadr kimi Azərbaycan Respublikasının Silahlı Qüvvələrinin dayanıqlı inkişafına töhfə verəcəklərinə əminliyini vurğulayaraq zabitlərimizə Azərbaycan Ordusunun müdafiə qüdrətinin inkişafı naminə gələcək xidməti fəaliyyətlərində uğurlar arzulayıb.
Türkiyə Respublikası Milli müdafiə naziri cənab Yaşar Güler və qoşun növü komandanlarının müşaiyəti ilə buraxılış mərasimində iştirak edən Türkiyə Respublikasının Prezidenti Receb Tayyip Erdoğan məzunları təbrik edərək, onlara ən səmimi arzularını çatdırıb.
