https://innews.az/uploads/news/2023-09/_innews_e29e8d94a1142756f350fd7a9_o.jpg
Neftçala rayonunda şəhid Abuşov Habil Qulam oğlunun məzarı və “Anım Günü” ilə əlaqədar olaraq Qaçaqkənd kəndində şəhid ailələri ziyarət olunub.
Azərbaycanın Qarabağ bölgəsində keçirilən lokal xarakterli antiterror tədbirləri zamanı Neftçala rayonunun Qazaxbərəsi kəndində anadan olan Azərbaycan Ordusunun hərbi qulluqçusu Abuşov Habil Qulam oğlunun məzarı və Qaçaqkənd İƏDN üzrə 44 günlük Vətən müharibəsi şəhidlərinin ailələri ziyarət olunub.
Mərasimdə Neftçala Rayon İcra Hakimiyyətinin başçısı Mirhəsən Seyidov, RİH-in məsul şəxsləri, YAP Neftçala rayon təşkilatının, hüquq- mühafizə orqanlarının, idarə, müəssisə, təşkilatların rəhbərləri, şəhid ailələri, qazilər, din xadimləri və rayon ictimaiyyəti iştirak edib.
Azərbaycan Ordusunun hərbi qulluqçusu Abuşov Habil Qulam oğlu 28 iyun 2004-cü ildə Neftçala rayonunun Qazaxbərəsi kəndində anadan olub və keçirilən antiterror əməliyyatları zamanı qəhrəmancasına şəhid olub. Şəhid Abuşov Habil Qulam oğlu 23 sentyabr 2023-cü il tarixində Neftçala rayonu Qazaxbərəsi kənd qəbiristanlığında dəfn olunub.
Prezident, Müzəffər Ali Baş Komandan cənab İlham Əliyevin şəhid ailələrinə olan diqqət və qayğısını, tövsiyyələrini nəzərə alaraq Neftçala Rayon İcra Hakimiyyəti tərəfindən 44 günlük Vətən müharibəsi şəhidlərinin ailələri “Anım Günü” ilə əlaqədar olaraq ziyarət olunub.
Neftçala RİH-in başçısı Mirhəsən Seyidov Müzəffər Ali Baş Komandan cənab İlham Əliyevin rəhbərliyi, şəhidlərimizin canı və qanı, əsgər və zabitlərimizin şücaəti ilə düşməndən azad olunan torpaqlarımızdan, igid oğullarımızın şücaətindən, azad olunan torpaqlarımızda aparılan abadlıq- quruculuq işlərindən, lokal antiteror əməliyyatları zamanı şəhid olan hərbi qulluqçularımız, yaralılarımız haqqında danışıb. RİH-in başçısı şəhid ailələrinin sosial məişət qayğıları, çətinlikləri ilə maraqlanıb və ailələrin qayğılarını dinləyib.
Neftçala RİH-in kollektivi, rayon ictimaiyyəti adından şəhid olan hərbi qulluqçularımızın ailələrinə və yaxınlarına dərin hüznlə başsağlığı veririk.
Ən son xəbərləri səhifəmizdən də izləyin
