https://innews.az/uploads/news/2023-09/_innews_1adb8bcf0573cd1277dcbfd8d_o.jpg
Neftçala rayonunda şəhid Səmədov Camal Vüqar oğlunun məzarı və “Anım Günü” ilə əlaqədar olaraq Xol Qarabucaq, Xol Qaraqaşlı kəndlərində şəhid ailələri ziyarət olunub.
Azərbaycanın Qarabağ bölgəsində keçirilən lokal xarakterli antiterror tədbirləri zamanı Neftçala rayonun Xol Qarabucaq kəndində anadan olan Azərbaycan Ordusunun hərbi qulluqçusu Səmədov Camal Vüqar oğlunun məzarı, Xol Qarabucaq və Xol Qaraqaşlı İƏDN-ləri üzrə 44 günlük Vətən müharibəsi şəhidlərinin ailələri ziyarət olunub.
Mərasimdə Neftçala RİH-in başçısı Mirhəsən Seyidov, RİH-in məsul şəxsləri, YAP Neftçala rayon təşkilatının, hüquq- mühafizə orqanlarının, idarə, müəssisə, təşkilatların rəhbərləri, şəhid ailələri, qazilər, din xadimləri və rayon ictimaiyyəti iştirak edib.
Azərbaycan Ordusunun hərbi qulluqçusu Səmədov Camal Vüqar oğlu 11 iyul 1991-ci ildə Neftçala rayonunun Xol Qarabucaq kəndində anadan olub və keçirilən antiterror əməliyyatları zamanı qəhrəmancasına şəhid olub. Şəhid Səmədov Camal Vüqar oğlu 20 sentyabr 2023-cü il tarixində Neftçala rayonu Xol Qarabucaq kənd qəbiristanlığında dəfn olunub.
Prezident, Müzəffər Ali Baş Komandan cənab İlham Əliyevin şəhid ailələrinə olan diqqət və qayğısını, tövsiyyələrini nəzərə alaraq Neftçala Rayon İcra Hakimiyyəti tərəfindən 44 günlük Vətən müharibəsi şəhidlərinin ailələri “Anım Günü” ilə əlaqədar olaraq ziyarət olunub.
Neftçala RİH-in başçısı Mirhəsən Seyidov Müzəffər Ali Baş Komandan cənab İlham Əliyevin rəhbərliyi, şəhidlərimizin canı və qanı, əsgər və zabitlərimizin şücaəti ilə düşməndən azad olunan torpaqlarımızdan, igid oğullarımızın şücaətindən, azad olunan torpaqlarımızda aparılan abadlıq- quruculuq işlərindən, lokal antiteror əməliyyatları zamanı şəhid olan hərbi qulluqçularımız, yaralılarımız haqqında danışıb. RİH-in başçısı şəhid ailələrinin sosial məişət qayğıları, çətinlikləri ilə maraqlanıb və ailələrin qayğılarını dinləyib.
Neftçala RİH-in kollektivi, rayon ictimaiyyəti adından şəhid olan hərbi qulluqçularımızın ailələrinə və yaxınlarına dərin hüznlə başsağlığı veririk.
Ən son xəbərləri səhifəmizdən də izləyin
