Neftçalada "Anım Günü" ilə əlaqədar olaraq Həsənəbad qəsəbəsi üzrə şəhid ailələri ziyarət olunub

Prezident, Müzəffər Ali Baş Komandan cənab İlham Əliyevin şəhid ailələrinə olan diqqət və qayğısını, tövsiyyələrini nəzərə alaraq Neftçala Rayon İcra Hakimiyyəti tərəfindən Həsənəbad qəsəbəsi üzrə Aprel döyüşlər və 44 günlük Vətən müharibəsi zamanı şəhid olan şəhid ailələri “Anım Günü” ilə əlaqədar olaraq ziyarət olunub.

Ziyarətdə Neftçala RİH-in başçısı Mirhəsən Seyidov, RİH-in məsul şəxsləri, hüquq- mühafizə orqanlarının, YAP Neftçala rayon təşkilatının, idarə, müəssisə, təşkilatların rəhbərləri və din xadimləri iştirak edib.

Neftçala RİH-in başçısı Mirhəsən Seyidov Müzəffər Ali Baş Komandan cənab İlham Əliyevin rəhbərliyi, şəhidlərimizin canı və qanı, əsgər və zabitlərimizin şücaəti ilə düşməndən azad olunan torpaqlarımızdan, igid oğullarımızın şücaətindən, azad olunan torpaqlarımızda aparılan abadlıq- quruculuq işlərindən, lokal antiteror əməliyyatları zamanı şəhid olan hərbi qulluqçularımız, yaralılarımız haqqında danışıb. RİH-in başçısı şəhid ailələrinin sosial məişət qayğıları, çətinlikləri ilə maraqlanıb və ailələrin qayğılarını dinləyib.