https://innews.az/uploads/news/2023-09/_innews_479a24c6890182812028991a4_o.jpg
Qazaxıstan Respublikasının Azərbaycandakı Səfiri Alim Bayel Azərbaycan Respublikasının Energetika Naziri, Qazaxıstan-Azərbaycan ticarət-iqtisadi əməkdaşlığı üzrə Hökumətlərarası Komissiyanın Həmsədri Pərviz Şahbazovla görüş keçirib.
Görüş zamanı həmsöhbətlər əməkdaşlığın ticarət-iqtisadi, nəqliyyat-logistika və energetika sahələrində indiki durumunu və perspektivlərini müzakirə ediblər.
A.Bayel qeyd edib ki, ötən və cari ildə Qazaxıstanın və Azərbaycanın Dövlət Başçılarının qarşılıqlı səfərləri ikitərəfli kooperasiyanın inkişafına güclü təkan verib. Qazaxıstan Baş Nazirinin bu ilin iyun ayında Azərbaycana rəsmi səfərinin məhsuldarlığı məmnuniyyətlə vurğulanıb. Qısa və ortamüddətli perspektiv üçün əməkdaşlıq konturları sadalanan səfərlər çərçivəsində imzalanan 40 sənədlərdə öz əksini tapıb.
Öz növbəsində, P.Şahbazov da K.Tokayevlə İ.Əliyev arasında etimada söykənən dialoqun iki ölkə arasında bütün səviyyələrdə sıx və faydalı əməkdaşlığa imkan yaratdığını qeyd edib. Nazir 3-4 oktyabr 2023-cü il tarixlərində Astanada keçiriləcək Şanxay Əməkdaşlıq Təşkilatının Birinci Energetika Forumunda iştirak etməyi planlaşdırdığını bildirib.
Tərəflər ticarət-iqtisadi sahədə birgə fəaliyyətini, o cümlədən həm iki ölkə üçün, həm də bütün region üçün böyük geoiqtisadi önəmə malik olan layihələrin həyata keçirilməsini yüksək qiymətləndiriblər. Xüsusilə, Transxəzər Beynəlxalq Nəqliyyat Marşrutunun bundan sonra da inkişaf etdirilməsi, Xəzər dənizinin dibi ilə dərin dəniz elektrik kabelinin çəkilməsi üzrə yeni layihənin həyata keçirilməsi, həmçinin Qazaxıstan neftinin Azərbaycan üzərindən ixracının artırılması ilə bağlı qarşılıqlı maraq ifadə olunub. Xəzər dənizinin dibi ilə fiber-optik rabitə xəttinin çəkilməsi ilə əlaqədar praktiki işlərinə start verilməsi məmnuniyyətlə qeyd olundu.
Həmçinin, ticarət-iqtisadi əməkdaşlığı üzrə birgə Hökumətlərarası Komissiyanın fəaliyyəti və qarşılıqlı əməkdaşlıq proseslərinin intensivləşdirilməsi üçün Komissiyanın işinin yeni formatlarının tətbiq edilməsinin mümkünlüyü ilə bağlı fikir mübadiləsi baş tutub.
Bu kontekstdə qeyd etmək lazımdır ki, ““KazMunayQaz MŞ” SC” ilə Azərbaycanın Dövlət Neft Şirkəti arasında əldə olunmuş razılaşmalara əsasən, 2023-cü ilin mart ayından etibarən, illik həcmi 1,5 milyon ton olmaqla Aktau-Bakı-Ceyhan marşrutu ilə Qazaxıstan neftinin ixracına başlanılıb. Gözlənilir ki, gələcək illər üzrə pespektivdə bu həcm nəzərəçarpacaq dərəcədə artacaq. 2023-cü ilin martından avqustadək Aktau limanından Bakı-Tbilisi-Ceyhan istiqamətinə neftinin ixracı 520 min ton təşkil edib. Bundan başqa, Qazaxıstan tərəfi Bakı-Supsa neft kəməri ilə 5 mln. ton həcmində neftin ixracının, o cümlədən Qazaxıstan neftinin həcminin Qara dənizdə yerləşən terminallara qədər dəmir yolu vasitəsinə nəql edilməsi mümkünlüyünü araşdırır.
İki ölkə arasında ticarət-iqtisadi əməkdaşlığın müsbət dinamikası davam edir. 2023-cü ilin 7 ayın nəticələrinə əsasən, Qazaxıstanla Azərbaycan arasında ticarət dövriyyəsi ötən ilin analoji dövrü ilə müqayisədə 50,8% artıb ($229,1 mln.-dan $345,6 mln.-dək). 2023-cü ilin əvvəlindən Orta Dəhliz (TBNX) üzrə daşımalar 85,3% artaraq, 1,7 mln.-dan çox ton təşkil edib. Bundan əlavə, 2023-cü ildə Qazaxıstanla Azərbaycan arasında qarşılıqlı aviareyslərin limiti həftədə 32 reysdən 42 reysədək artırılıb.
Söhbətin sonunda Qazaxıstan Səfiri Qazaxıstanla Azərbaycan arasında mədəniyyət-humanitar əməkdaşlığın dərinləşdirilməsinə yönələn bir sıra təşəbbüsləri irəli sürüb.
