https://innews.az/uploads/news/2023-11/_innews_de45f9ffade294d1fd8638303_o.jpg
Ukrayna-Azərbaycan regionlararası əməkdaşlığın dərinləşdirilməsi məqsədilə Ukraynanın Azərbaycandakı Fəxri Konsulu Mehrəli Qasımov və Ukrayna Səfiri Vladislav Kanevski Ukrayna Fəxri Konsulluğunun konsulluq dairəsinə (Göyçay və İsmayıllı) rəsmi regional səfərdə oldu.
Son dərəcə səmimi və mehriban şəraitdə Göyçay Rayon İcra Hakimiyyətinin Başçısı Natiq Ağayev ilə səmərəli danışıqlar aparılmışdır. Ukrayna və Azərbaycan şəhərləri arasında qardaşlaşma əlaqələrinin qurulması, iqtisadi əməkdaşlığın dərinləşdirilməsi, eləcə də təhsil sahəsində humanitar layihələr diqqət mərkəzində olan məsələlər sırasında idi.
Adı çəkilən regionlar sürətlə inkişaf edir və cəlbedici investisiya potensialına malikdir ki, bu da, şübhəsiz ki, Ukrayna-Azərbaycan regionlararası əməkdaşlığının dərinləşməsinə öz töhfəsini verəcək.
Konkret iddialı layihələri və onların həyata keçirilməsi strategiyaları müəyyən edildi, ümid edirik ki, əldə olunmuş razılaşmaların ilk nəticələrini tezliklə ictimaiyyətə işıqlandırılacaqdır.
