https://innews.az/uploads/news/2023-11/_innews_101ce4acf7da3def5b6dfeeaa_o.jpg
“Bakı Metropoliteni” QSC-nin Fövqəladə Hallar Nazirliyinin Mülki Müdafiənin Təşkili Baş İdarəsi ilə qarşılıqlı əməkdaşlığı əsasında həyata keçirilən tədbirlər planına uyğun olaraq, idarənin texnoloji korpusunda hərbiləşdirilməmiş mülki müdafiə dəstələri və xəbərdarlıq toplanışı üzrə mülki müdafiə məşqi keçirilib.
“Diqqət hamıya” işarəsi altında inzibati binada fövqəladə hallar zamanı idarə heyətinin təxliyyə olunması və bu təxliyyəyə hazırlıq işləri istiqamətində təşkil edilmiş məşqdə texnoloji korpusun aidiyyəti üzrə bütün strukturlarının nümayəndələri iştirak ediblər. Məşqə Xüsusi şöbənin mühəndisi Orxan Mirzəli başçılıq edib.
Məşq müharibə dövründə ekstremal vəziyyət əmələ gəldikdə Texnoloji korpusa təhkim olunmuş hərbiləşdirilməmiş mülki müdafiə dəstələrinin funksional vəzifələri və dinc dövrdə ekstremal vəziyyət əmələ gəldikdə Texnoloji korpusa təhkim olunmuş hərbiləşdirilməmiş mülki müdafiə dəstələrinin işləri əsasında iki mərhələdə keçirilib.
Aidiyyəti üzrə bütün strukturlar daxil, müdafiə dəstələri məşqdə öz funksional vəzifələrini yerinə yetiriblər. Ardıcıllıq üzrə keçirilmiş bütün proseslər müəyyən edilmiş qaydalara uyğun təşkil edilib.
Ən son xəbərləri səhifəmizdən də izləyin
