GUAM ölkələrinin səfirləri Şəhidlər xiyabanında

20 Yanvar - Ümumxalq Hüzn Günü ilə əlaqədar Şəhidlər xiyabanına ziyarət davam edir.

innews.media xəbər verir ki, ziyarətə gələnlər içərisində GUAM ölkələrinin səfirləri də olub.

Belə ki, Gürcüstanın Azərbaycandakı səfiri Zurab Pataradze, Moldova Respublikasının ölkəmizdə fövqəladə və səlahiyyətli səfiri Aleksandr Esaulenko, Ukraynanın Azərbaycandakı fəxri konsulu Mehrəli Qasımov və Ukraynanın Azərbaycandakı fövqəladə və səlahiyyətli səfiri Vladislav Kanevski şəhidlərin əziz xatirəsini yad etmək üçün onların məzarlarını ziyarət edib və çiçəklər düzüblər.