https://innews.az/uploads/news/2024-01/_innews_800a8bd675d5935c8106e70b4_o.jpg
Bakı metropoliteninin təmir bazasının möhkəmləndirilməsi istiqamətində addımlar ildən-ilə müsbət təsirlərini artırır. Bu mənada ən gənc sahələrdən olan elektrik mühərriklərinin əsaslı təmiri cəmi 3 il ərzində nəinki gözləntiləri doğruldub, hətta yeni perspektivlərə də yol açıb.
Qatarların, eskalatorların, ventilyatorların, su nasoslarının vaxtilə pərakəndə fəaliyyət göstərən təmir sahələrinin fəaliyyətinin birləşdirilməsi qənaətin təməlini qoydu. Eyni tipli dəzgahlardan müxtəlif təmir briqadalarına alınması, onların boşdayanma hallarının qarşısı alınıb, vaxt, iqtisadi səmərə və iş ardıcıllığı tam təmin edilib. Əmək şəraiti, müasir avadanlıq, sistem və yanaşma tərzi, ixtisaslaşmış işçi heyətinin formalaşdırılmasını da əlavə etsək, vahid sahənin yaradılması bəhrəsini verir. Lakin ən əsas dəyişikliklər məhz kəmiyyətdən keyfiyyətə keçid, daha sonra məhz kəmiyyət baxımından yüksək nəticələrə gətirib çıxarıb.
2020-ci ildə sahə fəaliyyətə başladığı dövrdə təmirlə bağlı 70.1 faiz göstəriciyə nail olumuşdusa, sonrakı illərdə rəqəmlər 81 faizin üzərində olub. Bununla yanaşı, hətta elektrik alətləri və avadanlıqlarının təmirində də vahid standartların tətbiq olunub və alətlərin yerlərdə təmiri qadağan olunub. Nəticədə, drel, perforator, laqonda, qaynaq aparatları və s. elektrik alətlərinin ehtiyat fondu yaradılıb, təmirin sürəti və keyfiyyəti təmin edilib, sui-istifadə hallarının qarşısı alınıb. Bunun nəticəsidir ki, 2023-cü ildə 395 alətdən yalnız 38-i təkrar istifadəyə yararsız hesab edilib və yaxud təmiri qeyri-mümkün olub. Bu isə təmirə verilmiş bütün elektrik alətlərinin 90,3 faizi deməkdir. Bu mənada təmiri mümkün olmayan məişət avadanlıqları da nəzərə alınmaqla, 87.3 faiz nəticə hesabat illərinin ən yüksək nailiyyətidir.
Əsas sahələr üzrə təmirin kefiyyəti də artırılıb. Qatarların 209 dartı mühərrikindən 176-sı və yaxud 84.2 faizi təmir edilib. Qatarların 126 hava kompressorunun hamısı elektrik mühərrikləri ilə birgə 100 faizlik təmir göstəricisi ilə istifadəyə qaytarılıb. “ПЛ-72” tipli elektrik mühərriklərinin də hamısı – 77-si, eləcə də kiçik ölçülü 8 transformatorun hər biri tam təmir olunaraq sahələrə təhvil verilib.
Xidmət su nasosları ilə birgə asinxron tipli mühərriklərin təmirində də yüksək nəticələrə gəlib çıxıb və 106 avadanlıqdan 87.7 faizi və yaxud 93-ü təmir olunub.
“Metropolitenin kiçik zavodu” da adlandırılan daha bir sahədə isə eskalatorların təmiri ilə yanaşı, avadanlıqların hazırlanması və quraşdırılması, mexaniki-çilingər, yeni təkər cütlərinin formalaşdırılması, maşın və mexanizmlərin təmiri və s. işləri özündə birləşdirir. Sahə 2023-cü il ərzində 19 stansiya və şaxtalarda hermetik darvazalara texniki qulluq, təmir-bərpa işləri aparıb.
Hesabat dövründə yol təsərrüfatının 1736, elektrik təchizatı üzrə 1541, vaqonların qulluğu və təmiri ilə bağlı 599, mühafizə, yanğın təhlükəsizliyi ilə əlaqədar 180, mühərriklərinin təmirinə dair 110, tunel infrastrukturu üzrə 80, hərəkətin təşkili və nizamlanması avadanlıqlarını əhatə edən 75 və digər sahələr üzrə daha 21 sifarişi yerinə yetirilib.
Ən son xəbərləri səhifəmizdən də izləyin
