"Sevgililər Günü"ndə Aslı Güngör Bakıda konsert proqramı ilə çıxış etdi

Məşhur türkiyəli müğənni Aslı Güngör Heydər Əliyev Sarayında konsert proqramı ilə çıxış edib.O sevgililər gününə özəl Azərbaycana gəlib.

Aslı Güngör konsertdən əvvəl jurnalistlərə açıqlama verib:

“Bakıya ilk gəlişimdir. Bakıya gəlmək çoxdanki arzumdu. Nə gözəl ki, ilk gəlişim sevgililər gününə təsadüf etdi. Hamıya sevmək və sevilmək arzulayıram. Bakını çox bəyəndim, çox gözəl şəhərdir. Bu ölkənin insanları çox istiqanlı və gülərüzdür. Azərbaycan mahnılarını da çox sevirəm. Bir neçəsini konsertimdə ifa edəcəyəm".

Aslı Güngör sevənlərinə sevgi dolu anlar yaşatdı. Ulduz ifaçı "Aşk Her Şeye Değer", "Kalp-Kalbe karşı", "Son Öpücük" ifaları ilə yanaşı "Ayrılıq", "Bu qala daşlı qala" kimi Azərbaycan mahnılarını da səsləndirdi.

"Anadolu Events"-in təşkilatçılığı baş tutan konsert böyük anşlaqla keçdi və hamının zövqünü oxşadı.