"Emildən heç vaxt utanmamışam, o bir çoxlarından qeyrətli oğul idi" - Sabrinə Qəmzəyeva - VİDEO

AZXEBER Medianın "Gəl danış” rubrikasının bu dəfəki qonağı mərhum müğənni Emil Rəhmanın həyat yoldaşı Sabrina Qəmzəyeva olub.

innews.media xəbər verir ki, o, Emili pis vərdişlərinə görə qınayan insanlara cavab verib.

Sabrina bütün səhvləri ilə Emili qəbul etdiyini etiraf edib:

“Bu həyatın görünən üzü ilə yanaşı, görünməyən tərəfləri də var. Səhvsiz bir Allahdır. Hər kəsin mənfi cəhətləri var. Bəli, Emil bu xəstəlikdən əziyyət çəkib. Amma nə o özü bundan utanmayıb, nə də mən ondan. Emil çox sağlam insanlardan da şərəfli, qeyrətli, mərd oğul idi. Allah ona xəstəliklə yanaşı elə bir sənət vermişdi ki, indiki müğənnilər 40 il öyrənsələr də elə ifa edə bilməzlər. Bunu deyənlər Emil olmaq istəyən, ancaq ola bilməyənlərdir. İnanın ki, bu qədər problemləri ilə yanaşı onun nə qədər paxıllığını çəkənlər də vardı. Həmin insanlar Emil haqqında ümumiyyətlə, danışmağa layiq deyillər. Əgər mən həyat yoldaşı olaraq Emildən razıyamsa, onlar kimdir ki Emili pisləsinlər? Buradan da eşitsinlər, Emilin şəxsi həyatı onun özü üçün idi”.