"Uşaqlarımın atasıdır, hallallıq verirəm, amma onu bağışlamıram" - VİDEO

AZXEBER Medianın "Gəl danış” rubrikasının bu dəfəki qonağı sevilən müğənni Leyla Rəhimova olub.

Həyat yoldaşı ilə yollarını ayıran müğənni ilk dəfə bu haqda ətraflı açıalamalar verib.

Sənətçi, həyat yoldaşını bağışlamayacağını deyib:

“Mənə olunan haqsızlıqları, pislikləri heç vaxt bağışlaya bilmərəm. Unuda bilmədiyim şeylər bağışlamağıma mane olur. Ola bilər dildə deyim ki, bağışladım, amma daxildə əsla. Allaha tapşırıram sadəcə. Ən azından uşaqlarımın atasıdır, sevdiyim insan olub. Amma o mənə elə şeylər yaşadıb ki, onları ölsəm də bağışlamaram. İnamım itib, güvənim, sevgim ölüb. Heç kimə inana bilmirəm, sevə bilmirəm”.

İkinci dəfə ailə qurmaq istəmədiyini deyən Leyla Rəhimova: “Mənim üç övladım var, bu mənə yaraşmaz. Kimsə yalnış anlamasın, ikinci dəfə ailə quran qadınlara heç də pis baxmıram. Amma mənə görə qadın bir dəfə ailə qurar. Alınsa nə gözəl. Ailə sadəcə ərdən ibarət deyil ki? Bu sadəcə mənim fikrimdir ki, birincidə yaxşı alınmayıbsa, ikincidə də alınmaz” deyə qeyd edib.