https://innews.az/uploads/news/2024-04/_innews_9d1f842d2defa772d00ada43f_o.jpg
“Mən yaxşı jurnalist ola bilərəm, amma o aparıcılar heç vaxt mənim kimi musiqiçi ola bilməzlər”.
innews.media xəbər verir ki, bu sözləri klarnet ifaçısı Hüseyn Məhəmmədoğlu AZXEBER.COM- a açıqlamasında deyib.
Hazırda telekanallardakı verilişlərə iradını hər fürsətdə dilə gətirən sənətçi, meyxanaçıların mahnı oxumasına da münasibət bildirib:
“Qətiyyən heç bir veriliş məni qane etmir. Hamısı dostlarımızdır, amma adam bilmir nə desin. Onları da anlayıram, özəl kanaldır, sponsor baxımlı verilişə gəlir, maaşları ödəmək lazımdır. Təəssüflər olsun ki, baxılan verilişlərin də hamısı “rakkaçıko” və meyxanadır. Meyxana sənətini çox sevirəm, meyxanaçılara da qeyri adi insan kimi baxıram. Amma haçan ki, mahnı ifa edirlər, onlar da zövq korlayanlardan biri olurlar. Buradaki tək istisna Namiq Qaraçuxurlu və Vüqar Əbdülovdur. Onların ifaları incəsənətimizə tam xidmət edir. Amma qalanları bərbaddır”.
Hüseyn efirlərdəki qadağalardan danışarkən bu halların onu narahat etmədiyini vurğulayıb:
“İndi ən güclü platforma sosial şəbəkələrdir. Şükürlər olsun ki, televiziyalarımızın rəhbərləri də əsl musiqidən anlayan adamlardır. Əgər hansısa aparıcı mənə qadağa qoyacaqsa, qoysun. Bu məni heç narahat eləmir. Mən o aparıcılar kimi aparıcı ola bilərəm, gedərəm 4 il jurnalistikanı da oxuyaram, öyrənərəm. Amma onlar heç vaxt mənim kimi musiqiçi ola bilməzlər” .
Ən son xəbərləri səhifəmizdən də izləyin
