"Artıq bəzi gənc muğam ifaçıları da var ki, yıxılıblar bayağı mahnıların ütsünə" - VİDEO

“Elton sənəkardır, amma xarakterində problemlər var”.

innews.media xəbər verir ki, bu sözləri AZXEBER.COM-a verdiyi müsahibədə klarnet ifaçısı Hüseyn Məhəmmədoğlu deyib.

“Elton Hüseynəliyevlə işləmək mənim üçün həm asan idi, həm də çətin. Asan idi ona görə ki professional idi və məndən qabaq anlayırdı ki, nə ifa etmək lazımdır. Çətin tərəfi isə xarakterində problemlərin olmasıydı. İndi gənc müğənni Sadiq Məmmədovla çalışıram və hər şey əladır. Demək istəyirəm ki, qətiyyən sosial şəbəkələrdə gördükləri yalançı reklamlara inanmasınlar. Altı saat canlı toy oxumaq hər müğənninin işi deyil”.

Bayağı ifaçılar ilə məcburiyyət qarşısında qaldığı zaman eyni səhnəni bölüşdüyünü etiraf edən Hüseyn bəzi muğam ifaçılarına da iradını bildirib:

“Olub ki, məcburiyyət qarşısında onlarla bir səhnəni bölüşmüşəm. Mən toyda ifa etmişəm, o da gəlib. Məcbur müşaiyət etmişəm. O dünyanı görüb qayıtmışam. Allah onları hidayət eləsin, başqa nə deyim. Onların tezliklə unudulub gedəcəyinədə inanmıram. Artıq 5-6 ildir sənətdə olanlar var. Nə vaxtsa unudulacaqlar, amma hələ yox. Hətta sizə deyim ki, artıq bəzi gənc muğam ifaçıları da var ki, görürəm yıxılıblar bayağı mahnıların ütsünə”.