https://innews.az/uploads/news/2022-08/_innews_fb89aac822f10de5108518fb3_o.jpg
Türkiyənin “Sakarya BB Pro Team” klubunun tərkibində çıxış edən Azərbaycanın şose velosipedi üzrə Elit yığma komandasının kapitanı Elçin Əsədov qardaş ölkədə keçirilən Beynəlxalq Velosipedçilər İttifaqının 1.2 kateqoriyalı Yahyalı Qran-Prisində iştirak edib.
Millimizin kapitanı 118 km məsafəni 2 saat 40 dəqiqə 51 saniyə nəticə ilə 4-cü sırada başa vurub.
E.Əsədov bu nəticə ilə həm şəxsi, həm də milli komandamızın beynəlxalq reytinq hesabına daha 20 xal əlavə edib.
Yarışda 1-ci yerə Türkiyənin “Spor Toto” klubunun üzvü Oleksandr Prevar (2:40.36) layiq görülüb.
Qeyd edək ki, Yahyalı Qran-Prisində 6 ölkədən 55 idmançı 10 komandada mübarizə aparıb.
Ən son xəbərləri səhifəmizdən də izləyin
