https://innews.az/uploads/news/2024-05/_innews_93a6bc36622227316f399b3fb_o.jpg
Qazaxıstanın Azərbaycandakı Səfiri Alim Bayel Bakı şəhərinin Meri Eldar Əzizovla görüş keçirib.
A. Bayel Bakının iki ölkə arasında ikitərəfli siyasi, ticarət-iqtisadi və mədəni-humanitar əlaqələrin inkişafında rolunu xüsusilə qeyd edib. O, həmçinin, qazaxıstanlıların Azərbaycan meqapolisinə olan marağını vurğulayıb. Belə ki, Azərbaycan Respublikasının Dövlət Sərhəd Xidmətinin məlumatına əsasən, qazaxıstanlılar 2024-cü ilin yanvar-aprel aylarında Azərbaycan Respublikasını ziyarət edən əcnəbilər arasında 5-ci yer tuturlar. Ümumilikdə, Mərkəzi Asiyadan Azərbaycanı ziyarət edən hər iki turistlərdən biri Qazaxıstandan olan turistdir.
Səfir eyni zamanda qarşıdan gələn BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının – COP29-na ev sahibliyi ilə əlaqədar Bakını təbrik edib. Diplomat, Qazaxıstanın tədbirdə fəal iştirak edəcəyini və zirvə görüşünün uğurla təşkil edilməsində Azərbaycana hərtərəfli dəstək göstərməyə hazır olduğunu qeyd edib.
E. Əzizov öz növbəsində qardaş Azərbaycan və Qazaxıstan arasında xüsusi qarşılıqlı münasibətləri, habelə əməkdaşlığın indiki yüksək səviyyəyə çatmasında Prezidentlər İ. Əliyevin və K. Tokayevin rolunu qeyd edib. Bakı İcra Hakimiyyətinin Başçısı Azərbaycan biznesinin Qazaxıstanda fəal işlədiyini vurğulayıb. Bu kontekstdə, o, Qazaxıstanın biznesin nümayəndələrini Bakıda fəaliyyət göstərməyə dəvət edib. E. Əzizov, Meriyanın Qazaxıstan sahibkarları üçün tikinti sahəsi də daxil olmaqla, bir çox sahələrdə əlverişli şəraitləri yaratmağa hazır olduğunu bildirib.
Tərəflər eyni zamanda ikitərəfli əməkdaşlığın inkişafı üçün konkret tədbirləri də müzakirə ediblər. Xüsusilə, Bakı ilə Astana arasında qardaşlıq əlaqələrin inkişafı ilə bağlı gələcək addımlar nəzərdən keçirilib.
Ən son xəbərləri səhifəmizdən də izləyin
