https://innews.az/uploads/news/2024-06/_innews_3eabf059a1d7d062e36ee4648_o.jpg
Bolt Azərbaycanda gediş sifarişi platformasının coğrafiyasını genişləndirməyə davam edir. Xidmət iyunun 12-dən Masallı şəhərində istifadəyə verilib.
Hər il şəhərlər daha da inkişaf edir, genişlənir, nəqliyyat məsələsi isə vətəndaşlar arasında ən çox müzakirə olunan məsələlərdən birinə çevrilir. Bolt-un məqsədi şəhər sakinlərini və qonaqlarını rahat, müasir və səmərəli nəqliyyat həlləri ilə təmin etməkdir.
Gediş sifariş etmək üçün Google Play və ya App Store-dan Bolt tətbiqini endirmək lazımdır. Daha sonra isə təyinat yerini qeyd etməli və avtomobil kateqoriyasını seçməlisiniz. Sifariş təsdiqləndikdən sonra sərnişinə sürücü və avtomobil, həmçinin avtomobilin təxmini gəliş vaxtı haqqında məlumat verilir. Xidmət haqqını nağd və ya kredit kartı ilə ödəmək mümkündür.
Tətbiqdə artıq “Bolt”, “Delivery” və “City to City” avtomobil kateqoriyaları mövcuddur. Sərnişinlər həmçinin *1020 nömrəsi ilə əlaqə saxlamaqla gediş sifariş edə bilərlər.
Əməliyyatlar üzrə Menecer İsa Rəhimli deyir: “Bolt şirkəti olaraq müxtəlif şəhərlərin sakinləri üçün rahat nəqliyyat variantlarının olmasının nə qədər vacib olduğunu başa düşürük. Əlverişli və etibarlı nəqliyyat vasitəsi hər gün işə gedib gəlmək, gündəlik işləri yerinə yetirmək və sair üçün vacibdir. Masallı şəhərində xidmət göstərməyə başlamağımız şirkətin müxtəlif regionlarda şəhər mobilliyini artırmaq, təhlükəsiz və komfortlu səyahəti daha çox insan üçün əlçatan etmək planının bir hissəsidir”.
Bolt Masallı şəhərində fəaliyyətə başlaması münasibətilə ilk iki həftə ərzində bütün xidmət istifadəçilərinə, sürücülərə və sərnişinlərə endirimlər və bonuslar təqdim edir. Şəhərin sakinləri bütün səfərlərdə 50%-dək endirimdən yararlana biləcəklər və minimum qiymət 1 manatdan başlayacaq. Bundan əlavə, Bolt yeni tərəfdaş sürücüləri hər zaman dəstəkləyir. Şirkət sürücülərə zəmanətli gündəlik 20 manat bonus təqdim edəcək.
Gedişlərin təhlükəsizliyi Bolt şirkətinin 1 nömrəli prioritetidir. Məhz buna görə də platformada təhlükəsizlik funksiyalarının genişləndirilmiş siyahısı təqdim edilir. Buraya sərnişinlərin sığortalanması, sürücülərin reytinqləri və müştəri ilə sürücünü ayırmağa imkan verən innovativ "Unmatching driver-rider" funksiyası, yəni xidmət istifadəçilərindən biri (sürücü və ya sərnişin) qarşılıqlı səfəri bəyənmədiyi halda onlara bir daha bir-birilə səfərlər təklif edilmir; SOS düyməsi və GPS-səfərlərin monitorinqi daxildir. Həmçinin hər hansı anlaşılmazlıq və ya xoşagəlməz vəziyyət yarandıqda, istifadəçilər hər zaman 24 saat işləyən və gediş zamanı yaranan bütün sualları və problemləri operativ şəkildə həll edən Bolt dəstək xidmətinə müraciət edə bilərlər.
