Təcili Yardım Mərkəzi 56 yaşlı qadına vaxtında müdaxilə edib

Respublika Təcili və Təxirəsalınmaz Tibbi Yardım Mərkəzinə 02.08.2024-cü il tarixində saat 10:00 radələrində 56 yaşlı qadının ürək döyüntüsü səbəbilə çağırış daxil olub. Sabunçu TTTYS-nın həkimi Abdulla Tuqay tərəfindən yerində müdaxilə edilərək ürək çırpıntısı şikayəti olan pasientdə SVT (Supraventrikulyar Taxikardiya) diaqnozu qoyulub. Vaqal manevr effekt vermədiyindən pasientə vena daxili verapamil yeridilərək normal sinus ritmi bərpa edilib. Həkimlərin operativ və səmərəli müdaxiləsi sayəsində xəstənin vəziyyəti stabilləşdirilib.

Bu hadisə, Respublika Təcili və Təxirəsalınmaz Tibbi Yardım Mərkəzinin peşəkar komandasının yüksək səviyyədə hazırlıqlı və effektiv şəkildə çalışdığını bir daha sübut edir.