https://innews.az/uploads/news/2024-08/_innews_a939304dbc9f032556c9e6191_o.jpg
Azərbaycan Respublikasının Minatəmizləmə Agentliyi işğaldan azad edilmiş ərazilərdə fəaliyyət göstərən struktur bölmələrində “xüsusi texnika üzrə rəhbər”, “xüsusi texnika üzrə qrup rəhbəri” və “təmir işləri üzrə baş mütəxəssis” vəzifələrində işləmək istəyənlər üçün sənədlərin qəbulunu elan edir. Namizədlərin müvafiq sahədə ali və ya orta-ixtisas təhsili və 2 ilə qədər iş stajı olmalıdır.
Maraqlananlar əlaqə telefonu göstərməklə aşağıdakı sənədləri career@anama.gov.az ünvanına göndərməlidir.
- müvafiq vəzifəyə sənədlərin təqdim olunmasına dair ərizə;
- şəxsiyyət vəsiqəsinin surəti;
- təhsilə dair sənədlərin surəti (diplom, sertifikat, vəsiqə, arayış və s.);
- əmək kitabçasının surəti.
Sənəd qəbulu cari ilin 15 sentyabr tarixinədək həyata keçiriləcək.
Seçim zamanı işğaldan azad olunmuş ərazilərdən məcburi köçkün olan şəxslərin namizədliyinə üstünlük veriləcək.
