https://innews.az/uploads/news/2024-10/_innews_140336760196cbab00318a81c_o.jpg
Perunun Lima şəhərində 27 Sentyabr - Anım Günü ilə bağlı vətən uğrunda canını fəda etmiş qəhrəman şəhidlərimizin xatirəsi dərin hörmət və minnətdarlıqla yad edilmişdir.
Tədbirin əvvəlində şəhidlərimizin ruhu bir dəqiqəlik sükutla anılıb. Azərbaycanın Perudakı səfirliyinin nümayəndəsi çıxış edərək Azərbaycanın şanlı ordusunun 44 gün ərzində ədaləti bərpa edərək torpaqlarımızı işğaldan azad etməsi və bununla tarix yazması barədə danışıb.
Daha sonra şəhidlərimizin xatirəsinə həsr edilmiş videoçarx nümayiş olunub. Videoçarxda Vətən müharibəsinin tarixi anları, qəhrəmanlarımızın göstərdiyi şücaət və ordumuzun Zəfər yürüşünün təsirli görüntüləri əks olunub.
Tədbirdə Perunun rəsmi şəxsləri, diplomatik korpusun nümayəndələri və Peruda yaşayan azərbaycanlılar iştirak etmişlər.
