https://innews.az/uploads/news/2024-11/_innews_cd19c3c8b56fca94066a4d8a8_o.jpg
Bakı Dövlət Universitetinin (BDU) nümayəndə heyəti Türkiyənin Haliç Universitetində olub, ali təhsil müəssisəsinin “Erasmus” ofisinin koordinatoru Serhat Orakçı ilə görüşüb.
Görüşdə BDU ilə Haliç Universiteti arasında bu ilin sentyabrında anlaşma memorandumunun imzalanması xatırladılıb, təhsil və tədqiqat sahələrində əməkdaşlıq əlaqələrinin daha da inkişaf etdirilməsinin önəmi vurğulanıb.
Görüş zamanı BDU və Haliç Universiteti arasında “Erasmus+ KA171” mübadilə protokolunun imzalanması ilə bağlı razılığa gəlinib.
Əsası 1998-ci ildə qoyulmuş Haliç Universiteti Türkiyənin nüfuzlu universitetlərindən biridir. 17000 tələbənin təhsil aldığı Haliç Universitetində 12 fakültə, 1 məktəb, 1 texnopark və 65 laboratoriya fəaliyyət göstərir.
