https://innews.az/uploads/news/2024-12/_innews_96ad470043ca6dce902e4e139_o.jpg
Şirvan Şəhər Mərkəzi Xəstəxanasında 12 dekabr - Ümummilli lider Heydər Əliyevin anım günü ilə bağlı tədbir keçirilib .
Tədbirdə Şirvan Şəhər Mərkəzi Xəstəxanasının rəhbərliyi və xəstəxana kollektivi iştirak edib.
Anım tədbirində ümummilli lider Heydər Əliyevin əziz xatirəsi bir dəqiqəlik sükutla yad olunub.
Tədbiri giriş sözü ilə açan Şirvan Şəhər Mərkəzi Xəstəxanasının direktoru Pərviz Rüstəmbəyov 12 dekabr tarixinin Müstəqil Azərbaycanın qurucusu və memarı, görkəmli dövlət xadimi, xalqımızın xilaskarı Ulu Öndər Heydər Əliyevin anım günü olduğunu bildirib. O, çıxışında Ümummilli liderin Azərbaycanı parçalamaqdan qurtardığını, onun gördüyü işlərin, ideyaların bu gün də yaşadığını, Azərbaycan xalqı, Müstəqil Azərbaycan Dövləti durduqca, yaşadıqca Ulu Öndərin əziz xatirəsinin daim xatırlanacağını, heç vaxt unudulmayacağını vurğulayıb.
Daha sonra Direktorun inzibati məsələlər üzrə müavini Murad Rəhimzadə Heydər Əliyevin keçdiyi böyük və şanlı tarixi yolundan tədbir iştirakçılarına məlumat verib. Həmçinin o söyləyib ki, Ümummilli lider Heydər Əliyevin müəyyən etdiyi siyasi xəttin layiqli davamçısı olan cənab prezidentimiz İlham Əliyevin rəhbərliyi, müzəffər Azərbaycan ordusunun iştirakı ilə 30 ilə yaxın işğal altında olan torpaqlarımız düşmən tapdağından azad olunub və onun yürütdüyü uğurlu daxili və xarici siyasət nəticəsində Azərbaycan bu gün regionda lider ölkəyə çevrilib.
