Kliniki Tibbi Mərkəzdə Yaddaşlardan silinməz Ulu öndərin anım günü qeyd edilib

Kliniki Tibbi Mərkəzdə Yaddaşlardan silinməz Ulu öndərin anım günü qeyd edilib Kliniki Tibbi Mərkəzdə Yaddaşlardan silinməz Ulu öndərin anım günü qeyd edilib https://innews.az/az/news/id-39876

Kliniki Tibbi Mərkəzdə Ulu öndər Heydər Əliyevin anım günü ilə bağlı tədbir keçirilib.

Tədbirdə YAP-ın Nəsimi Rayon Təşkilatının sədri, rayonun icra nümayəndəsi və KTM-in rəhbər şəxsləri, tibbi heyəti iştirak ediblər.

Azərbaycan Dövlət Himni ilə başlayan tədbirdə Ulu öndərin xatirəsi bir dəqiqəlik sükutla yad edilib.

Daha sonra Mərkəzin baş həkimi Hüseyn Məsimov Heydər Əliyevin Azərbaycan xalqı üçün misilsiz xidmətləri barədə geniş məruzə nitqi ilə çıxış edib. O bildirib ki, bu gün Azərbaycan dövlətinin suveren, azad, müstəqil olmasında Ulu öndər Heydər Əliyevin misilsiz xidmətləri olub.

Tədbirdə Yeni Azərbaycan Partiyası (YAP) Nəsimi rayon təşkilatının sədri Azər Süleymanov çıxış edərək dahi şəxsiyyət barədə iştirakçılara geniş məlumat verib. Ardınca icra nümayəndəsi Nuru Əhmədov və KTM-in direktor müavini Məhəbbət İbrahimova da çıxış edib.

Sonda Heydər Əliyevin həyat və fəaliyyəti ilə bağlı videoçarx da nümayiş olunub.