https://innews.az/uploads/news/2024-12/_innews_fc6c6023b1305d66ac92a925d_o.jpg
Ordu dövlətin suverenliyini və ərazi bütövlüyünü təmin etmək üçün əsas qüvvə olaraq dövlət quruculuğunun tərkib hissələrindən biridir. Azərbaycanın zəngin dövlətçilik tarixində güclü ordunun yaradılması hər zaman prioritet məsələlərdən olmuşdur. Tarixi qəhrəmanlıq və möhkəm güc ənənələrinə söykənən ordumuz Ulu Öndər Heydər Əliyevin təhlükəsizlik siyasəti və strategiyası və ən əsası möhkəm ordu quruculuğu ilə bağlı başladığı işlər Prezident İlham Əliyev tərəfindən uğurla davam etdirilir. Bizlər Azərbaycanın vətəndaşları olaraq bütün sahələrdə olduğu kimi bu gün ordumuzun inkişaf və irəliləyişlərin sözdə yox əməldə görürük. 44 günlük Vətən müharibəsinin nəticələri münaqişənin həllinə dair Azərbaycan Prezidenti İlham Əliyevin hərbi-siyasi həlli ordumuzun möhkəmliyini və gücünün mütləq doğruluğunu və reallığını qəti şəkildə sübut etdi. Ali Baş Komandan “Münaqişənin hərbi həll yolu yoxdur” deyərək əslində 30 il vəziyyəti Ermənistanın xeyrinə dondurmaq istəyən qüvvələrin planlarını və taktikasını alt-üst etdi. 2020-ci il sentyabrın 27-dən başlanmış əks-hücum əməliyyatları Azərbaycanın gücünü və regionda dayanıqlı sülhə doğru ən düzgün və qısa yolda olduğunu sübut etdi. Müharibənin ilk günlərindən Prezident İlham Əliyevin ortaya qoyduğu real və ədalətli sülh şərtləri öz bəhrəsini verdi. Hamı Azərbaycan Silahlı Qüvvələrinin yaratdığı siyasi reallıqlarla barışmağa məcbur oldu. Qeyd etmək lazımdır ki, 44 günlük Vətən Müharibəsində əldə olunmuş yeni reallıq təkcə Qarabağın bərpası və inkişafı ilə məhdudlaşmır. Bu qələbə bütün regiona sülh və davamlı inkişaf imkanını qazandırmışdır. Müzəffər Ali Baş Komandan İlham Əliyevin gələcəyə xidmət edən strategiyası sayəsində regionun beynəlxalq statusu dəyişmiş və region ölkələrinin inkişafı üçün yeni imkanlar açılmışdır.
Münaqişənin həlli regionun təhlükəsizliyi və kommersiya cəlbediciliyi baxımından da strateji əhəmiyyətə malikdir. Məhz bu zəfər nəticəsində işğaldan azad edilmiş ərazilərin ölkənin ümumi iqtisadiyyatına reinteqrasiyası, yeni beynəlxalq əlaqələrin yaradılması ölkənin iqtisadi inkişafında öz döyüş töhfələrini vermiş olacaq.
Ən başlıcası isə budur ki, ordumuz bizə Zəfəri bəxş etdisə, yəni biz möhkəm və əzmli ordumuzun hesabına Zəfəri qazandıq. Zəfərə gedən yol və Zəfər isə bizim ordumuzun tarixi salnaməsi oldu. Çünki, məğlub yox , qalib ordunun qələbə qazanan xalqı olduq. Çünki bizim ordu möhkəm təməl üzərində qurulan bir ordudur. Möhkəm təməli olan ordu isə yalnız və yalnız Zəfərə layiqdir.
Dilgüşə Məmmədova
Masallı Tarix-Diyarşünaslıq Muzeyinin kiçik elmi işçisi
