https://innews.az/uploads/news/2025-01/_innews_cf127d369e53d987a22e54232_o.jpg
Azərbaycan Respublikası Gənclər və İdman Nazirliyinin maliyyə dəstəyilə "Gənc Fəallar və Liderlər Alyansı" İctimai Birliyi tərəfindən keçirilən "İnkişaf üçün kənd gəncləri ilə birlikdə" layihəsi çərçivəsində təlimlər İsmayıllı, Göyçay, Qəbələ rayonlarında və 2024-cü ilin "Gənclər paytaxtı" olan Lənkəran şəhərində baş tutub.
Layihə çərçivəsində hər rayonda iki gün olmaqla, təlimçi Günel Alızadə tərəfindən özünü tanıma, zamanı düzgün idarə etmə texnikaları, stresin idarə olunması, emosional düşüncə, münaqişələri idarə etmə və həlli yolları, effektiv ünsiyyət texnikaları kimi əsas həyat bacarıqlarını əhatə edən 16 müxtəlif mövzuda təlimlər, oyunlar, qrup işləri, enercayzerlər və digər praktiki sessiyalar təşkil olunub.
Layihədən ümumilikdə 100-dən çox region gənci faydalanmışdır.
