BANM ilə Ankara Universiteti arasında əməkdaşlıq imkanları müzakirə edilib

SOCAR-ın Bakı Ali Neft Məktəbinin (BANM) İnzibati – təsərrüfat işləri üzrə prorektoru Oktay Rzayev və Tədbirlərin və sərgilərin təşkili şöbəsinin rəisi Sahib Kazımov Türkiyəyə səfər ediblər.

Səfər çərçivəsində Ankara Universitetinin Mühəndislik fakültəsi nəzdində fəaliyyət göstərən Geologiya mühəndisliyi kafedrası, Yer Elmləri üzrə Araşdırma və Tətbiq Mərkəzində olublar.

BANM nümayəndələri rektor Prof. Dr. Necdet Ünüvar və prorektor Yusuf Kağan Kadıoğlu ilə görüşərək əməkdaşlıq imkanları barədə fikir mübadiləsi aparıblar. Qarşılıqlı potensial əməkdaşlıq istiqamətləri dəyərləndirilib.