https://innews.az/uploads/news/2025-03/_innews_6082eff89425d97617cc0f8e2_o.jpg
Albaniyanın paytaxtı Tiranada güləş üzrə U23 Avropa çempionatı davam edir.
Bu gün yunan-Roma güləşi üzrə mübarizəyə start verilib.
Elmir Əliyev (55 kq) moldovalı Maksim Sarmanovla (9:1) albaniyalı Andi Mukanı (11:2) vaxtından əvvəl üstələyərək yarımfinala yüksəlib. Finalın bir addımlığında rusiyalı Alibek Amirovla gərgin mübarizə şəraitində keçən görüşün sonlarında təşəbbüsü əldən verən Elmir sonuncu xal prinsipinə əsasən (2:2) məğlubiyyətlə barışıb. Əliyev sabah bürünc medal uğrunda Filip Bartoşik (Çexiya) – Vasileios Papageorgiu (Yunanıstan) qarşılaşmasının qalibiylə güləşəcək.
Ziya Babaşov (63 kq) startda isveçli Aleksander Vafaini yolundan kənarlaşdırıb – 3:1. Həmyerlimiz 1/4 finalda yunanıstanlı Marios Kapantaisə (10:2), yarımfinalda isə bolqarıstanlı Miroslav Emilova (8:0) tam üstünlüklə qalib gələrək adını finala yazdırıb. Ziya həlledici görüşdə moldovalı Vitali Yeriomenkoyla qarşılaşacaq.
Xasay Həsənli (77 kq) yunanıstanlı Andreas Vasilakopula tam üstünlüklə (9:0) qalib gəlsə də, 1/4 finalda almaniyalı Aaron Bellşeidtə 3:7 hesabıyla məğub olub. Rəqib finala yüksəldiyi üçün Xasay sabah təsəlliverici görüşdə bolqarıstanlı Albert Doyevlə güləşəcək.
Cocu Səmədov (87 kq) təsnifat mərhələsində ermənistanlı Vigen Nazaryana (0:7), Ayxan Mərdanov (130 kq) isə eyni mərhələdə çexiyalı Artur Sarkisyana (0:2) uduzub.
Ən son xəbərləri səhifəmizdən də izləyin
