Somali Bələdiyyə İşçiləri Birliyinin prezidenti BANM-da olub

Somali Həmkarlar İttifaqları Konqresinin (SOCOTU) və Somali Bələdiyyə İşçiləri Birliyinin (SOMWU) prezidenti cənab Mohamed Osman Hacı Əli və SOCOTU-nun icraçı vitse-prezidenti xanım Hamdi Abdul Kadir Osman SOCAR-ın Bakı Ali Neft Məktəbində olublar.

Görüşdə BANM rektoru Elmar Qasımovla Somali Federativ Respublikasının ali təhsil müəssisələri arasında akademik əməkdaşlığın qurulması imkanları müzakirə edilib.

BANM rektoru qeyd edib ki, ötən il “Heydər Əliyev adına Beynəlxalq Təhsil Qrantı”na layiq görülən Somali vətəndaşı BANM-da “Proseslərin avtomatlaşdırılması mühəndisliyi” ixtisasında təhsil alır.

BANM 2025/2026-cı tədris ilində və gələcək illərdə Somalidən daha çox beynəlxalq tələbə cəlb etməyi və onlara mühəndislik, İT və biznes sahələrində bilik və təcrübə qazandırmağı hədəfləyir.