Milyonların sevimli sənətkarı Brilliant Dadaşova bu dəfə qırılmış qəlblərin səsi oldu - VİDEO

Xalq artisti Brilliant Dadaşova yeni “Get Başqa Birini Tap” adlı layihəsini təqdim edib.

Sözləri nəğməkar şair Nəriman Abbaszadəyə, musiqisi bəstəkar-müğənni AISEL-ə aid olan mahnının aranjimanı Samir Soltanov, miks-masterinqi Ramin Ali, musiqi prodüseriyi isə İsmayıl Əsədova məxsusdur.

Ekran işinin rejissor kürsüsündə Royal Djafarov əyləşərək, sənətçini sonda nakam sevgisinə qalib gəlmiş obrazda təqdim edib. İfaçının ümumi görüntüsü və saç-makyajı Elnur Həsənovun peşəkar komandasına həvalə olunub.

Qeyd edək ki, ifaçı yaradıcılığının 40 illiyi münasibətilə 8 mart Bakı Konqress Mərkəzində verdiyi “Best of Brilliant” adlı canlı-solo konsertində mahnını ilk dəfə olaraq, bəstəkarın özü ilə birgə duet şəklində təqdim etmişdi.