"Aşpaz" və "Qənnadıçı" kurslarının məzunlarına sertifikatlar təqdim olundu

Dövlət Məşğulluq Agentliyinin Azərbaycan Milli Kulinariya Assosiyasında (AMKA) təşkil etdiyi “Aşpaz” və “Qənnadıçı -Şirniyyatçı“ kurslarının müdavimlərinə kursları müfəffəqiyyətlə bitirdiklərinə görə SERTİFİKAT-lar təqdim edildi.

Qənnadıçıların təcrübə keçdiyi “Köz Künəfə” şirkətinin də 8 yaşını qeyd etdik.

Müdavimlərə dərs deyən, təcrübə rəhbərliyi edən, usta siniflər keçən, imtahan götürən adlı-sanlı peşəkar Ustadlar, Sənətkarlar, Mütəxəsislər də, Təcrübə müəssisələri də müdavimlərimizin sevincini bölüşdülər.

Müdavimlərimizin hamısı iş təklifi alıb. Bir çoxu artıq işləyir. Amma bir hissəsi özünü daha böyük məvacibə iddialı bilir, az maaşla başlamaq istəmirlər. İnşaAllah.

AMKA daimi olaraq öz məzun müdavimləri ilə işləməyi davam etdirəcək. Yaxşılar daha yüksək təhsilə, Universitetlərə, yarışlara, işlərə yönəldiləcək.

Məzunlarımıza yüksək şəxsi və peşəkar uğurlar arzulayırıq.

Dövlət Məşğulluq Agentliyinə bizə olan etimadlarına və müdavimlərə yaratdıqları ən yüksək səviyyəli şəraitə, dünyanın ən bahalı təhsilini müdavimlərə ödənişsiz, hələ üstəlik təqaüdlü təhsil imkanı yaratdıqlarına görə minnətdarlığımızı ifadə edir, bunu Dövlətimizin vətəndaşlarına göstərdiyi doğmalığın, qayğının bariz nümunəsi kimi qiymətləndiririk.