https://innews.az/uploads/news/2025-06/_innews_597fbd3b01623c846d7f53877_o.jpg
Pop musiqimizin ulduzu Röya Ayxanın ifasında səslənən “Ağlama” mahnısı növbəti dəfə böyük uğura imza atdı. “Səs Azərbaycan” layihəsinin möhtəşəm final gecəsində Cəmilə Həşimova ilə duet şəklində təqdim olunan bu emosional ifa dinləyicilərdən güclü reaksiya alıb.
Qısa zaman ərzində YouTube Azərbaycan trendlərinə daxil olan mahnı sosial şəbəkələrdə viral fenomenə çevrilib. Onlarla məşhur sima və influencer öz səhifələrində “Ağlama”ya dəstək paylaşımı edib, dinləyicilər isə bu dueti “ilin ən təsirli ifası” adlandırıblar.
Uğur bununla bitmir – “Ağlama” Apple Music Azerbaijan platformasında 1-ci pilləyə yüksəlib. Bu, Röyanın sənət yolunda daha bir möhtəşəm uğur olaraq tarixə düşüb.
Röya Ayxan bir daha sübut edib ki, 25 illik səhnə fəaliyyəti hələ də təzə nəfəs və güclü emosiyalarla dinləyiciləri öz sehrinə salmağa qadirdir.
Hazırda Apple Music Top 100 siyahısında tam 11 mahnısı ilə təmsil olunur — bu da onu siyahıda ən çox mahnısı olan müğənniyə çevirir. “Ağlama” hazırda birinci sıradadır, “Bahar” isə üçüncü pillədə qərarlaşıb.
