https://innews.az/uploads/news/2025-06/_innews_775d28fd9495f9113fee5a9db_o.jpg
“PAŞA Bank” bu il ərzində Şuşa şəhərində filial, Ağdamda isə nümayəndəlik açmağı planlaşdırır.
innews.media xəbər verir ki, bu barədə bankın ötən ilin yekunlarına dair keçirilən brifinqdə İdarə Heyətinin sədri Cavid Quliyev məlumat verib:
“Bu il ərzində “Şuşa” filialı və Ağdam şəhərində nümayəndəliyimizi açmağı planlaşdırırıq”.
Bank rəhbəri bildirib ki, 2023-cü ildə müştəri köçürmələrinin həcmi 15,8% artaraq 113 milyard 944 milyon 625 min manat təşkil edib.
Quliyevin sözlərinə görə, kredit portfeli 18,2% artaraq 3 milyard 360 milyon 976 min manata, fərdi sahibkarlara verilmiş kreditlər 28,5% artaraq 103 milyon 316 min manata, hüquqi şəxslərə verilmiş kreditlər isə 15,3% artaraq 2 milyard 899 milyon 671 min manata çatıb.
“PAŞA Bank ötən ili 214 milyon 535 min manat xalis mənfəətlə başa vurub. Bu göstərici əvvəlki illə müqayisədə 21% azalma deməkdir”, – deyə bank rəhbəri əlavə edib.
