https://innews.az/uploads/news/2025-06/_innews_59cdffaa37999bafbf46b03f8_o.jpg
2021-ci ildən etibarən Qarabağ regionunda fəaliyyət göstərən tərəfdaş şirkətlər tərəfindən ümumilikdə 5 milyard manat dəyərində müqavilə imzalanıb.
innews.media xəbər verir ki, bu barədə “PAŞA Bank”ın İdarə Heyətinin sədri Cavid Quliyev bankın ötən ilin yekunlarına dair keçirilən brifinqdə məlumat verib.
Bank rəhbərinin sözlərinə görə, bu müqavilələr çərçivəsində “PAŞA Bank” tərəfindən ümumilikdə 300 milyon manat maliyyələşmə təmin olunub:
“Bu məbləğin 200 milyon manatı qeyri-nağd öhdəliklər, 100 milyon manatı isə nağd maliyyələşmədir”.
Cavid Quliyev əlavə edib ki, “PAŞA Bank” Qarabağ və Zəngəzur iqtisadi rayonlarında turizm və xidmət infrastrukturunun qurulması, regionlarda yol və nəqliyyat bağlantılarının inkişafı, su ehtiyatlarının idarə olunması və bank xidmətlərinin əlçatanlığının artırılması istiqamətində fəal şəkildə töhfə verir.
