https://innews.az/uploads/news/2025-06/_innews_1a7f0456792b3a9e070c7b0e6_o.jpg
Azərbaycan Respublikasının Mərkəzi Bankı maliyyə xidmətləri istehlakçılarının hüquqlarının müdafiəsi çərçivəsində növbəti təşəbbüsünü Biləsuvar rayonunda həyata keçirib.
Rayonda təşkil olunan vətəndaş qəbulunda iştirak edən nümayəndələr sakinlərin müraciətlərini dinləyib, suallarını cavablandırıb və təqdim edilən təklifləri qeydə alıblar.
Qəbul zamanı xüsusilə maliyyə xidmətlərinin keyfiyyətinin artırılması, mövcud problemlərin operativ həlli və vətəndaş məmnunluğunun yüksəldilməsi istiqamətində fikir mübadiləsi aparılıb.
Mərkəzi Bank bu kimi regional görüşləri maliyyə savadlılığının artırılması və xidmət keyfiyyətinin yüksəldilməsi baxımından vacib alət kimi qiymətləndirir və bu təşəbbüsləri gələcəkdə də davam etdirməyi planlaşdırır.
