Röya Ayxan Kann təəssüratlarını və yeni planlarını paylaşdı

Pop kraliça Röya Ayxan “Afaqla Onlar” verilişində Kann xatirələri, sənət planları və şəxsi həyatı ilə bağlı səmimi açıqlamalar verib.

Sənətçi Kann kinofestivalında iştirakı ilə bağlı təəssüratlarını bölüşərək, beynəlxalq səviyyədə təmsil olunmağın məsuliyyətindən və qürurundan danışıb. O, yaxın zamanlarda kino layihələrində rol almaq istədiyini və azərbaycanlı rejissorlarla əməkdaşlıq planlarını dilə gətirib.

Verilişdə Röya şəxsi həyatı ilə bağlı ünvanlanan suallara da çox səliqəli cavab verib. O, eks həyat yoldaşı ilə münasibətindən səmimi şəkildə danışaraq, keçmişin izlərini, həyat dərslərini və ana kimi yaşadıqlarını da paylaşıb.