Azərbaycanda Ani Ödənişlər Sistemi genişlənir: əməliyyatların sayı 40%-dən çox artıb

Azərbaycanda Ani Ödənişlər Sistemi genişlənir: əməliyyatların sayı 40%-dən çox artıb Azərbaycanda Ani Ödənişlər Sistemi genişlənir: əməliyyatların sayı 40%-dən çox artıb https://innews.az/az/news/id-48797

Azərbaycanda fasiləsiz fəaliyyət göstərən 24/7 Ani Ödənişlər Sisteminin funksionallığı və əhatə dairəsi genişləndirilməkdədir. Sistem üzərindən bank hesabları vasitəsilə aparılan əməliyyatların həm həcmi, həm də icra sürəti artan xətt üzrə inkişaf edir.

innews.media xəbər verir ki, bu barədə Azərbaycan Mərkəzi Bankının İdarə Heyətinin üzvü, sədr müavini Vüsal Xəlilov Bakıda keçirilən “FINTEX SUMMIT 2025” çərçivəsində çıxışı zamanı məlumat verib.

Onun sözlərinə görə, 2024-cü ilin ilk dörd ayı ilə 2025-ci ilin müvafiq dövrü müqayisə olunduqda, Ani Ödənişlər Sistemi vasitəsilə həyata keçirilən əməliyyatların sayında 40%-dən çox artım qeydə alınıb:

“Biz bu artımın davamlı xarakter daşıdığını müşahidə edirik və hesab edirik ki, qarşıdakı aylarda da bu müsbət dinamika qorunub saxlanacaq”, – deyə Vüsal Xəlilov bildirib.

Qeyd edək ki, Ani Ödənişlər Sistemi üzərində texniki sabitlik və funksionallıq davamlı şəkildə gücləndirilir. Məqsəd – istifadəçilərə daha sürətli, təhlükəsiz və rahat ödəniş təcrübəsi təqdim etməkdir.