https://innews.az/uploads/news/2025-06/_innews_6a6998ede77ea715f3930d4f4_o.jpg
Bu gün uğurlu fəaliyyət göstərən maliyyə institutları artıq ənənəvi modeldən uzaqlaşaraq texnologiyaya əsaslanan şirkətlərə çevrilir, rəqəmsal biznes idarəçiliyinə üstünlük verirlər.
innews.media xəbər verir ki, bu fikirləri Azərbaycan Mərkəzi Bankının İdarə Heyətinin üzvü, sədr müavini Vüsal Xəlilov Bakıda keçirilən “FINTEX SUMMIT 2025” tədbirində çıxışı zamanı səsləndirib.
Vüsal Xəlilovun sözlərinə görə, beynəlxalq təcrübə göstərir ki, maliyyə sektorunda davamlı uğurun təmin olunmasında əsas rol oynayan iki mühüm amil var:
- insan kapitalının inkişafı və
- beynəlxalq standartların tətbiqi.
“Uğurlu ölkələrin təcrübəsi təsdiqləyir ki, bu iki faktor – yüksək ixtisaslı insan resursları və qlobal normativlərə uyğunlaşma – rəqəmsallaşma prosesində maliyyə sektorunun sabitliyini və səmərəliliyini təmin edir”, – deyə o bildirib.
