https://innews.az/uploads/news/2025-06/_innews_2396751729f02a12d78662a1d_o.jpg
26–29 iyun tarixlərini əhatə edən qeyri-iş günlərində Azərbaycan Dəmir Yolları (ADY) gücləndirilmiş iş rejimində fəaliyyət göstərərək ümumilikdə 64 656 sərnişinin daşınmasını təmin edib.
Ən çox sərnişin Abşeron dairəvi dəmir yolu xətti üzrə daşınıb – 54 505 nəfər. Digər istiqamətlər üzrə daşınan sərnişin sayı isə belə olub:
- Bakı–Qazax–Bakı marşrutu – 6 196 nəfər
- Bakı–Qəbələ–Bakı marşrutu – 1 544 nəfər
- Bakı–Balakən–Bakı marşrutu – 2 411 nəfər
Məlumata görə, bu müddət ərzində sərnişin sıxlığını qarşılamaq məqsədilə ölkədaxili marşrutlar üzrə 12 əlavə reys təşkil olunub, həmçinin vaqon sayı tələbata uyğun şəkildə artırılıb.
Abşeron dairəvi dəmir yolunda isə qatarların hərəkət cədvəli şənbə və bazar günlərinə uyğun qrafik əsasında tənzimlənib.
