https://innews.az/uploads/news/2025-07/_innews_3ced4b322461e9959d98ff65b_o.jpg
Azərbaycan Respublikası Mərkəzi Bankının nümayəndə heyəti nəzarət və tənzimləmə məsələləri üzrə təcrübə mübadiləsi məqsədilə Gürcüstan Milli Bankında işgüzar səfərdə olub.
innews.media xəbər verir ki, səfər zamanı keçirilən görüşlərdə hər iki ölkənin maliyyə sektorunda müasir yanaşmaların tətbiqi və səmərəliliyinin artırılması məsələləri geniş müzakirə edilib.
Tərəflər arasında nəzarət prosesinin təşkili və strukturu, risk əsaslı nəzarət çərçivəsi, cinayət yolu ilə əldə olunmuş əmlakın leqallaşdırılması və terrorçuluğun maliyyələşdirilməsinə qarşı mübarizə nəzarəti məsələləri üzrə ətraflı fikir mübadiləsi aparılıb.
