https://innews.az/uploads/news/2025-07/_innews_23299b479dc7218cbe4f4563f_o.jpg
innews.media xəbər verir ki, Azərbaycan Mərkəzi Bankının sədri Taleh Kazımov Mentorluq proqramı çərçivəsində dördüncü “Yüksəliş” müsabiqəsinin qalibləri – İsmayıl Hüseynov və Sənan Mustafayev ilə növbəti dəfə görüş keçirib.
Hər iki görüş zamanı Mərkəzi Bankın sədri liderlik potensialının inkişafı ilə bağlı bir sıra vacib məqamlara toxunub. O, strateji düşüncə, effektiv qərarvermə, liderlik bacarıqları kimi sahələrdə tövsiyələrini paylaşaraq iştirakçılara praktiki yönümlü məsləhətlər verib.
Taleh Kazımov çıxışında qeyd edib ki, Mentorluq proqramı təkcə bilik və təcrübə mübadiləsi platforması deyil, eyni zamanda gənc liderlərin davamlı inkişafına təkan verən mühüm təşəbbüsdür.
Görüşlərdə, həmçinin, proqram iştirakçılarının fərdi inkişaf planları, əldə etdikləri praktiki təcrübələr, qarşıya qoyulan məqsədlər və gələcək hədəflər ətrafında geniş fikir mübadiləsi aparılıb.
