https://innews.az/uploads/news/2025-07/_innews_b3e53c00370b7e37561ba889c_o.jpg
innews.media xəbər verir ki, Azərbaycan Mərkəzi Bankı maliyyə xidmətləri istehlakçılarının və investorların hüquqlarının müdafiəsinin gücləndirilməsi istiqamətində tədbirləri davam etdirir. Bu çərçivədə növbəti səyyar qəbul 2 iyul tarixində Mingəçevir şəhərində təşkil olunub.
Qəbul zamanı vətəndaşların maliyyə xidmətləri ilə bağlı müraciətləri dinlənilib, suallar ətraflı cavablandırılıb. Əlavə araşdırma tələb edən məsələlər üzrə ərizələr qeydə alınıb və şifahi müraciətlər əsasında zəruri məlumatlar toplanıb.
Mərkəzi Bank tərəfindən bildirilib ki, bu cür səyyar qəbullar vətəndaş-maliyyə qurumu münasibətlərinin şəffaflığını artırmaq, habelə istehlakçıların hüquqlarını daha effektiv şəkildə müdafiə etmək məqsədi daşıyır.
Qeyd edək ki, maliyyə xidmətləri istehlakçılarının hüquqlarının müdafiəsinə yönəlmiş səyyar görüşlərin keçirilməsi davamlı xarakter daşıyacaq.
