Moody’s: Mərkəzi Bankın likvidlik risklərinin idarə edilməsinə dair dəyişiklikləri maliyyə sektorunun inkişafını dəstəkləyəcək

Moody’s: Mərkəzi Bankın likvidlik risklərinin idarə edilməsinə dair dəyişiklikləri maliyyə sektorunun inkişafını dəstəkləyəcək Moody’s: Mərkəzi Bankın likvidlik risklərinin idarə edilməsinə dair dəyişiklikləri maliyyə sektorunun inkişafını dəstəkləyəcək https://innews.az/az/news/id-49890

Moody’s Beynəlxalq Reytinq Agentliyi Mərkəzi Bankın “Banklarda likvidlik riskinin idarə edilməsi Qaydası”na etdiyi dəyişikliklər barədə yazıb.

Belə ki, dəyişikliklərə əsasən, cari ilin avqust ayının 1-dən etibarən sistem əhəmiyyətli banklar milli valyuta üzrə likvidliyin örtülmə əmsalını 50%-dən başlamaqla 01.06.2027-ci il tarixinədək, bütün digər banklar isə 40%-dən başlamaqla 01.12.2027-ci il tarixinədək mərhələli qaydada 100%-ə çatdırmalıdır.

Paralel olaraq, dəyişikliklər vasitəsilə bankların yüksək keyfiyyətli likvid aktiv kimi təsnifləşdirə biləcəkləri aktivlərin dairəsi də genişləndirilib. Belə ki, bank metalları, dövlət zəmanətli maliyyə institutlarının qiymətli kağızları, gecəlik (overnight) depozitlər, Mərkəzi Bankda yerləşdirilmiş qısamüddətli vəsaitlərin yüksək keyfiyyətli likvid aktiv kimi təsnifləşdirilməsinə icazə verilib.

Agentlik qeyd edir ki, yeni dəyişikliklər ölkənin milli valyutada likvidliyini möhkəmləndirməklə, maliyyə sektorunun inkişafını və qabaqcıl beynəlxalq təcrübənin tətbiqini dəstəkləyəcək.

Xatırladaq ki, Mərkəzi Bank tərəfindən edilmiş dəyişikliklərin əsas məqsədi kəmiyyət və keyfiyyət parametrlərinin yenidən tənzimlənməsi yolu ilə banklarda likvidlik risklərinin daha effektiv idarə olunması və onların likvidlik mövqelərinin daha da möhkəmləndirilməsi ilə yanaşı, bank sektorunun real iqtisadiyyatı maliyyələşdirmək imkanlarının qorunmasından ibarətdir.

Qaydalara edilmiş dəyişikliklərlə bağlı ətraflı məlumat üçün bu linkə keçid edə bilərsiniz:

https://lnkd.in/eSUyD9PN